14 сакавіка, падчас 400-га Пленарнага Паседжання КЕП, біскупы прызначылі кс. Лешэка Крыжа SChr нацыянальным каардынатарам душпастырства беларусаў у Польшчы на наступныя 5 гадоў.
Святыя Імшы на беларускай мове адбываліся ў Варшаве больш за 15 год, але не мелі сталага характару. У жніўні 2020 года, калі ва ўсёй Польшчы маліліся за Беларусь, некалькі вернікаў выйшлі з ініцыятывай сталых Імшаў на беларускай мове. Пачаліся пошукі месца і святара. І ўжо ад кастрычніка 2020 раз на месяц – з перапынкам на летнія канікулы – беларусы разам з кс. Яўгенам Вінтовым збіраліся ў касцёле св. Аляксандра на Імшы. На працягу года былі катэхезы і ружанец анлайн, дні засяроджання і пілігрымкі.
У верасні 2021 душпастырам празначаны кс. Вячаслаў Барок. І ўжо ад лістапада Святыя Імшы адбываюцца штонядзелю і на ўрачыстасці два разы ў дзень.
З цягам часу душпастырства ўзрасло: акрамя нядзельных цэлебруюцца дзве Святыя Імшы на тыдні, ёсць моладзевыя катэхезы, біблійнае кола, сямейныя сустрэчы ассацыяцыі Святой Сям’і з Назарэту і мужчынскія сустрэчы, праз пэўны момант былі дзіцячыя катэхезы, збіраецца парафіяльны хор, у часе Адвэнту і Вялікага посту ладзяцца трохдзённыя рэкалекцыі і дні засяроджання, адбываюцца пілігрымкі і выязныя рэкалекцыі, святары наведваюць дамы з душпастырскай візітацыяй, расце лічба хростаў і шлюбаў сярод вернікаў. Пры супольнасці дзейнічае тэатр “Купалінка”, творчая студыя Надзі Букі “Крылы натхнення”, Англійскі Кніжны Клуб Наталкі Харытанюк і Польскі размоўны клуб з вернікамі парафіі св. Аляксандра. У 2023 годзе асвяцілі абраз Маці Божай Будслаўскай для супольнасці.
А ад студзеня 2024 года нядзельныя Святыя Імшы па-беларуску пачалі адбывацца яшчэ і пры парафіі св. Фаўстыны, што ўсцешыла жыхароў Варшавы з другога берагу Віслы.
Нядзеля і Урачыстасці — 10:30
14 сакавіка, падчас 400-га Пленарнага Паседжання КЕП, біскупы прызначылі кс. Лешэка Крыжа SChr нацыянальным каардынатарам душпастырства беларусаў у Польшчы на наступныя 5 гадоў.
15-16 сакавіка ў Варшаве пры парафіі св. Фаўстыны пройдзе Спеўны ўікенд. У праграме між іншым лекцыя па літургічнай музыцы і шмат спеваў.
“Досвед і справа” – над такой тэмай прапаноўваюць паразважаць арганізатары трэцяга З’езду беларусаў замежжа, што адбудзецца 9-11 мая ў Гданьску.
Душпастырства беларусаў Варшавы распачало запіс на “Спеўны ўікенд“, што пройдзе 15-16 сакавіка пры парафіі св. Фаўстыны.
Сябры, сёння хочам вам распавесці пра нашую Люду Паўлоўскую – актыўную ўдзельніцу душпастырства ў Варшаве, адданую беларуску і проста добрага сябра!
Шпацыр і неверагодныя краявіды, санкі, лыжы, а перш за ўсё разам праведзены час у добрай супольнасці. Усё гэта было на мінулым тыдні, калі сем’і
— гэта беларускія каталікі, якія сустрэліся за мяжой і
вырашылі разам маліцца за Бацькаўшчыну на роднай мове.
© 2023 Душпастырства Беларусаў у Польшчы
— гэта беларускія каталікі, якія сустрэліся за мяжой і вырашылі разам маліцца за Бацькаўшчыну на роднай мове.
© 2023 Душпастырства Беларусаў у Польшчы