Search
Close this search box.

Душпарстырства Беларусаў Варшавы

Святыя Імшы на беларускай мове адбываліся ў Варшаве больш за 15 год, але не мелі сталага характару. У жніўні 2020 года, калі ва ўсёй Польшчы маліліся за Беларусь, некалькі вернікаў выйшлі з ініцыятывай сталых Імшаў на беларускай мове. Пачаліся пошукі месца і святара. І ўжо ад кастрычніка 2020 раз на месяц – з перапынкам на летнія канікулы – беларусы разам з кс. Яўгенам Вінтовым збіраліся ў касцёле св. Аляксандра на Імшы. На працягу года былі катэхезы і ружанец анлайн, дні засяроджання і пілігрымкі. 

У верасні 2021 душпастырам празначаны кс. Вячаслаў Барок. І ўжо ад лістапада Святыя Імшы адбываюцца штонядзелю і на ўрачыстасці два разы ў дзень.

З цягам часу душпастырства ўзрасло: акрамя нядзельных цэлебруюцца дзве Святыя Імшы на тыдні, ёсць моладзевыя катэхезы і біблійнае кола, праз пэўны момант былі дзіцячыя катэхезы, збіраецца парафіяльны хор, у часе Адвэнту і Вялікага посту ладзяцца трохдзённыя рэкалекцыі і дні засяроджання, адбываюцца пілігрымкі і выязныя рэкалекцыі, святары наведваюць дамы з душпастырскай візітацыяй, расце лічба хростаў і шлюбаў сярод вернікаў. У 2023 годзе асвяцілі абраз Маці Божай Будслаўскай для супольнасці.

А ад студзеня 2024 года нядзельныя Святыя Імшы па-беларуску пачалі адбывацца яшчэ і пры парафіі св. Фаўстыны, што ўсцешыла жыхароў Варшавы з другога берагу Віслы.

Святыя Імшы

Нядзеля і Ўрачыстасці 11:30 і 18:00
Панядзелак і чацвер 18:00

Касцёл св. Аляксандра, plac Trzech Krzyży

Дольны касцёл, уваход з вуліцы сходамі ўніз

Нашыя душпастыры

  • Ксёндз Вячаслаў Барок +48 571 475 522

Сталыя сустрэчы

  • Панядзелак 18:30 - моладзевая катэхеза

  • Чацвер 18:30 - біблійнае кола 

  • Нядзеля 12:30 - рэпетыцыі хора

  • Кожная 4 нядзеля месяца - 17:30 ружанец і 18:00 Імша за Айчыну 

photo_2024-05-04_11-51-31

Святыя Імшы

Нядзеля і Ўрачыстасці 10:30

Касцёл св. Фаўстыны, Żuromińska 2

Парафіяльны дом, уваход справа ад касцёла

Наш душпастыр

  • Ксёндз Яўген Вінтоў
+48 794 608 310

Аб’явы і навіны Варшавы

Душпастырства беларусаў Польшчы

— гэта беларускія каталікі, якія сустрэліся за мяжой

і вырашылі разам маліцца за Бацькаўшчыну на роднай мове.

© 2024 Душпастырства Беларусаў Польшчы