14 – 15 снежня ў супольнасці беларусаў Познані адбыліся адвэнтавыя рэкалекцыйныя сустрэчы на тэму “Трыумф і радасць за дзень да катастрофы”. Праводзіў рэкалекцыі ксёндз Вячаслаў Барок з Варшавы.
На працягу двух дзён удзельнікі разважалі над Кнігай прарока Сафоніі. Галоўная тэма Кнігі — «Дзень Гасподні», які ахопіць усіх, уключаючы абраны народ. І ўсё ж Ізраэль, ачышчаны ад сваіх беззаконняў, стане цэнтрам выратавання свету.
Разам са сваім душпастырам кс. Гжэгажам вернікі ўдзельнічалі ў святых Імшах і сустракаліся за гарбатай у парафіяльнай залі. Жадаючыя прыступілі да сакрамэнту споведзі, каб больш годна перажыць час рэкалекцый і падрыхтавацца належным чынам да святаў Божага Нараджэння. Агулам у рэкалекцыях прыняло ўдзел каля 30 чалавек.
