Святыя Імшы пачалі адбывацца ў кастрычніку 2022 года і адразу набылі сталы характар. Цэлебруе іх беларускі святар кс. Дзмітры Прыступа ў касцёле св. Юзафа кожную нядзелю. На вялікія ўрачыстасці супольнасць моліцца разам з польскай парафіяй, што стала вельмі добрай традыцыяй. 

Пасля Імшы заўсёды адбываюцца тэматычныя спатканні за кавай, перыядычна ладзяцца канцэрты, супольная прыборка прыкасцёльнай тэрыторыі, а летам – Будслаўскі фэст!