У нядзелю, 8-га мая, супольнасць падчас нядзельнай Эўхарыстыі малілася за першага кіраўніка незалежнай Беларусі. Літургія сабрала таксама шмат грамадскіх дзеячоў якія прыбылі каб падзякаваць за жыццё Станіслава Станіслававіча.
Падчас казання, кс. Вячаслаў Барок звярнуў увагу на тое, што калі чалавек жыве ў згодзе з сумленнем, Бог робіць праз яго вялікія справы. Святар заахвоціў усіх слухацца Госпада і свайго сумлення.
Таксама на св. Імшы прысутнічалі святары кс. Юрый Барок, кс. Яўген Вінтаў і Ераманах Лявонцій Тумоўскі.
Пасля св. Імшы Вольны Хор выканаў некалькі спеваў. Дзякуем усім прысутным – капліца была поўная людзей.
