У суботу 15 ліпеня беларуская каталіцкая супольнасць Кракава (Польшча) здзейсніла пілігрымку ў Чэнстахову.
Група беларусаў разам са сваім душпастырам ксяндзом Юрыем Рашатко наведалі галоўны Марыйны санктуарый Польшчы, што знаходзіцца ў Яснагорскім кляштары паўлінаў у горадзе Чэнстахова. Пілігрымкі сталі ўжо добрай традыцыяй для супольнасці, у іх прымаюць удзел і дарослыя, і дзеці. З кожным разам колькасць удзельнікаў павялічваецца.
Пілігрымы маліліся на Святой Імшы ў капліцы каля цудадзейнага абраза Маці Божай, а душпастыр супольнасці ўдзельнічаў у цэлебрацыі Святой Імшы, падчас якой былі ўзгаданы і пілігрымы з Беларусі.