6-7 снежня пад кіраўніцтвам кс. Юрыя Санько і кс. Кірыла Бардонава Кракаў наведалі пілігрымы з парафіі Найсвяцейшай Троіцы (святога Роха) у Мінску.
У праграме былі св. Імша ў парафіі св. Стэфана ў Кракаве, набажэнства ў санктуарыі Божай Міласэрнасці ў Лагеўніках і экскурсія па Кракаве, каб пазнаёміцца з культурай каралеўскага горада.
Усяго ўдзельнікаў выезду было больш за 100 асобаў. Да сумеснай малітвы далучыліся таксама беларусы, якія разам з кс. Юрыем Рашатко кожную нядзелю збіраюцца на Літургію на роднай мове. Пілігрымы выказваюць падзяку парафіі, а асабліва ксяндзу пробашчу Лешку Гарстку за гасціннасць і магчымасць цэлебрацыі Эўхарыстыі ў парафіі св. Стэфана.
