10 лістапада ў беларускае душпастырства ва Уроцлаве завіталі музыкі Андрусь Такінданг і Крысціна Бурак. Пасля Святой Імшы яны выступілі з прэзентацыяй свайго новага альбома “Ружа без пялёсткаў”.
У яго ўвайшлі 11 кампазіцый на вершы святой Тэрэзы з Лізьё, напоўненыя любоўю, пакорай і даверам да Бога. Пераклад гэтых вершаў на беларускую мову зрабіў Павел Хівук — інжынер з Беларусі, які зараз жыве ў Францыі і з’яўляецца парафіянінам беларускай грэка-каталіцкай царквы ў Антверпене.
Кожны з прысутных атрымаў у падарунак кнігу вершаў святой Тэрэзы ў перакладзе на беларускую мову.
Пасля Імшы і канцэрту традыцыйна адбылася сустрэча за кубачкам кавы, дзе ўсе змаглі паразмаўляць і падзяліцца ўражаннямі, а Андрусь падпісаў кнігі для сваіх слухачоў.
Паглядзець відэа з канцэрту можна тут.
Святыя Імшы ва Уроцлаве праводзяцца ў другую і чацвёртую нядзелю месяца а 15:00 ў касцёле св.Георгія Мучаніка і Узвышэння св.Крыжа, вул.Biegła, 3. Цэлебруе Імшы кс. Антоні Аблам.
