22 сакавіка 2025 года беларускую супольнасць католікаў у Кракаве наведалі пілігрымы з парафіі Найсвяцейшай Тройцы і святога Роха на Залатой Горцы ў Мінску.
Разам са сваім пробашчам, ксяндзом канонікам Юрыем Санько, яны не ў першы раз падчас паломніцтва спыніліся ў парафіі св. Стэфана, каб памаліцца на Эўхарыстыі разам з мясцовымі беларусамі. Супольныя Святыя Імшы сталі ўжо добрай традыцыяй, якая служыць духоўнай еднасці беларускіх парафій і беларусаў за мяжой, што сведчыць пра жывую духоўную сувязь нашага народа.
